問ＣＡＳＥ前請注意：
其實每家機構都有自己一套準則去做批核，
１）ＴＵ評分
２）還款紀錄（態度）
３）內部評分（年齡，工作，居住，財務等幾個主要背景）
要視乎該機構比較著重邊一個層面去做批核。
因此，
點解成日都同網友講要知己知彼，
就因為市場產品日新月異，
機構喺唔同時期都會因應市況去作出相應調整，
去吸納自己的目標客戶。
做貸款又好做投資都好，
做就要做得精明，
至少要知自己實際條件先可以做到貨比三家。
亦正因為以上三大要素，
好多時會出現幾個令網友困惑的問題。
點解同一個ＣＡＳＥ背景，
同一份ＴＵ評分，
會喺唔同機構批出唔同的極端結果。
而今時今日喺市場上的貸款業務裡面競爭咁大，
已經冇話財務公司批唔到就等於銀行都批唔到，
亦冇話銀行一定平過財務公司依支歌仔唱。
如果唔係點會有咁多銀行會分拆出貸款部門出嚟吸客，
甚至獨立擴建貸款門市去擴大自己個市場佔有率。
正因為以上＜三大批核準則＞，
要視乎該機構比較著重邊一個準則去做批核貸款。
因此好多時會出現一個令網友困惑的問題：
點解同一個ＣＡＳＥ背景，
同一份ＴＵ評分，
會喺唔同機構批出唔同的極端結果？
其實答案好簡單，
原因大部份人都唔清楚自己應該屬於邊家機構的目標吸納客戶。基於以上＜三大批核準則＞，
問貸款之前要先清晰自己本身有咩有利條件，
＜個人實際背景＞：
１）職業職位，現職年資，月薪及支薪方式？
２）有冇供ＭＰＦ？報稅？有冇合約／公司信？
３）居住背景：住自置物業？租私樓？住公屋？
４）知唔知ＴＵ評分？幾時知道自己ＴＵ評分？係咪自己ＣＨＥＣＫ？
５）每項外債的貸款金額？分幾期？供幾錢？已供幾期？
６）過去６個月還款還得好唔好？如有遲還或有其他負面紀錄，請例出說明。
７）過去３０日內申請過幾間信用卡或貸款？
８）有冇持有銀行信用卡？
９）如果未足２１歲或超過５９歲，請另外通知一下（因為部份機構有不同年齡限制）。
以上的＜個人實際背景＞再套入＜三大批核準＞內，
就可以清晰地找出市場上適合自己選擇的貸款機構，
去作針對性地了解及比較。
就正是成日同網友講既ＣＡＳＥ ＢＹ ＣＡＳＥ，
以各機構的ＡＰＰＲＯＶＥＲ／ＢＡＮＫＥＲ／ＳＡＬＥＳ ＯＦＦＥＲ去以事論事，
要比較的包括：現金／清數轉戶金額，息口，期數，每月供款額......等等。
而所謂最有效果的個人解困方案，
就完全視乎問貸款人的需求意向。
csmlai
本人做行政助理,現職工作八年,有固定收入,
但最緊因家裡急需用錢..資金未能週轉,已拖欠中銀貸款2期未還, 銀行追數,但實有困難,
但其餘貸款戶口則有定時還款,信用卡亦有依時每月還MIN PAY..
想問仲有冇銀行或者財務公司可以幚幚我短期週轉,還左中銀拖欠D數,
或者可以GROUP曬我所有卡數和私人貸款做一畢清呢..或者可以GROUP 緊部分數集中還款減輕負擔
本人真的很有誠意處理問題
曾經在網上問過DRP既方案,但據知中銀是不接受的..
本人財務情況如下..
TU RECORD 應該好低
中銀借左242000, 分48期,還左17期,拖欠2期, 以往有遲壞記錄
恆行 20000 分36期 還左8期 準時還 沒有遲還記錄
恆生 20000 分36期 還左2期 準時還 沒有遲還記錄
恆生信用卡 (1) 欠45000 準時還MIN PAY 或以上
恆生信用卡 (2) 欠 9600 準時還MIN PAY 或以上
都係第一我想知道你月薪幾錢先?因為你都三十幾萬數!
近3個月申請過邊間?
香港坊間財務公司及中介顧問越來越多，騙案手法亦層出不窮，試出文幫網友瞭解一下，由於牽涉多間公司及其名譽，故公司名都會盡量隱喻，而手法則會盡情公開，如有雷同，實屬巧合。如貴公司或中介顧問若不滿小弟文中所述，不妨留言賜教，如有寫錯或不實地方，定必致歉及修正。
而根據我一年來網上查詢經驗，通常上來查詢的網友，都係問二線居多，所以我會較集中講分辨【二線】及【黑財】，免得網友被黑財或中介顧問所騙，而我估計會出五篇文章，並會不時作出修訂。
【一線】:
共通點為:〈大集團式或銀行資金經營〉〈要TU〉〈一筆清〉 〈可拉長到36至60期〉
X眾財務 :大X銀行附屬
UX財務 :新鴻X有限公司成員
邦X財務 :三井住X銀行集團
安X兄弟 :渣X銀行附屬
領X財務 :東X銀行附屬
安X財務 :大X銀行附屬
花X財務、AEXN財務、星剪財務呢D睇名就知故不作列明。
【二線財務】
共通點:〈財務公司附屬/個體戶資金經營〉〈有/冇TU〉〈幾間分行內〉〈年計1%手續費內〉〈一般24期內〉〈極小做一筆清〉
【要TU的如下】:
新鴻X財務:UX財務附屬 (【基】本都識) (1間分行，樓按、私貸都有)
運X泰財務:X眾財務附屬 (【通】常都知) (9間分行，車會多，私貸都有)
日本網X通:日本資金 (【絡】繹不絕) (1間分行，只有網上申請私貸，追數手法二線來說最辣，破產都要追)
及時X財務:個體戶 (【雨】過天清) (4間分行，某週刊1249期有報道，樓按、私貸都有，報道中【英X按揭顧問】有關係)
易X財務 :上市公司附屬 (【還】富於民) (2間分行，車會、樓按、私貸都有)
【不要TU的如下】:
第X財務:上市中 (【一】帆風順) (5間分行，樓按、私貸小做)
迅X財務:個體戶 (【達】官貴人) (5間分行，私貸)
匯X財務:個體戶 (【駿】業宏開) (4間分行，樓按、私貸都有)
海X財務:個體戶 (【德】高望重) (3間分行，私貸)
保X財務:個體戶 (【得】心應手) (3間分行，私貸)
---------------------------------------------------------(分隔線)-----------------------------------------------------------------------------------------------------------------
由於有網友因為破產後冇門路而被搵笨，故此文修訂為破產後借錢攻略。
請參考番我內文中的一線及二線資訊，而隱瞞破產或利用TU漏洞則不會在此說明。
破產後可以申請既財務有:
一線:U"X"、安"X"兄弟、領"X"(C"X")、安"X"財務(O"X")二線:新鴻X財務、運X泰財務、日本網X通、及時X財務
二線免TU(不影響TU評分):迅X財務、匯X財務、海X財務、保X財務
如果因應市場手緊手鬆同個人資料簡易分法的話去睇:
自問【破產後、好料、要TU】:U"X"、安"X"兄弟、安"X"財務(O"X")
自問【破產後、免TU、怕拒絕後TU又花】:匯X財務、迅X財務
自問【破產後、要TU、懶鬼一個、又唔介意TU既評分】:日本網X通
【黑財】【貴利】【大耳窿】
依X財務:油麻地登打士街 (要求親自打給諮詢人核實；未到期之前會溫馨提示還錢；與中介關係密切；卓X財務兄弟公司)
卓X財務:油麻地登九龍行 (要求親自打給諮詢人核實；未到期之前會溫馨提示還錢；與中介關係密切；依X財務兄弟公司)
_________________________________________________________________________________________________________
比華X財務:荃灣南豐中心 (同一集團，借貸額抽3成)
高X財務:旺角亞皆老街 (同一集團，借貸額抽3成)
蒲X財務:中環 (同一集團，借貸額抽3成)
天X財務:旺角信和中心 (同一集團，借貸額抽3成)
_________________________________________________________________________________________________________
領X財務: 旺角亞皆老街 (估計同上邊同一集團，借貸額抽3成)
_________________________________________________________________________________________________________
英X顧問按揭:旺角 (某週刊1249期有報道，沒放債人牌照，購買眼鏡卷)
_________________________________________________________________________________________________________
朗x財務:荔枝角 (一成以上手續費)
_________________________________________________________________________________________________________
GP高X財務:4間分行 (黑中之霸，網上廣告可搜尋到，沒放債人牌照，同樓下同一集團另外名字，多方位屈錢)
BF保X財務:4間分行 (黑中之霸，網上廣告可搜尋到，沒放債人牌照，同樓上同一集團另外名字，多方位屈錢)
CF致X信貸:2間分行 (黑中之霸，網上廣告可搜尋到，沒放債人牌照，同樓上同一集團相同地址，多方位屈錢)
_________________________________________________________________________________________________________
借【黑財】後果:
1)被一二線財務知道你借【貴利】中，明明可批大，都變批細，因風險極度增加，甚至直接拒絕。
2)請準備閣下既資料會被派往不同的【黑財】公司，因他們既老細都係一樣。
3)你還得好，都不可以放心，因為閣下的資料一樣會被派去各大【黑財】中，他們自會不斷引誘你申請，甚至叫你番大陸借。
4)你破產又好、DRP又好，對【黑財】是沒用的。
5)你批完借又好唔借又好，中介同【黑財】都會勁屈你，你資料在人家處，請自行想像。
6)遲交請自行交多3成做收數費用
【黑財】共通點:
1)大都沒有「自動轉帳還款服務」，親身交現金或入指定銀行戶口
2)黑財大都係得一間分行
3)多數黑財位置在旺角的【金雞廣場】【信和中心】【皆旺商業大廈】【美聯金融大廈】
4)無放債人牌照號碼，企圖扮財務公司，其實係中介，批核完成後要求去別處簽約
5)要預先支付「申請費」「影印費」「手續費」「咩費」「物費」
6)強迫購買「眼鏡卷」「XX優惠卷」
7)號稱遲交7天是「寬限期」，之後就要付收數費，而所謂收數費，即係自己開另一公司屈總貸款額3成費用
8)一般黑財合約都註明「遲交7天，一切追數費用由客戶負責」
10)7日數、10日數還一次款項
由於資料日新月異，又多網友不斷問相似問題，故我呢篇專係以解答形式，希望可幫到一D債務上既朋友。
問01：有放債人牌照是否黑財？
答01：有放債人牌照都可以係黑財，沒放債人牌照而又叫你上去申請個D就一定係黑財。
問02：XXX中介/顧問/會計事務所，是否正中介？
答02：實在太多不同名稱，開呢D公司不用拎牌，所以不存在【專業】與否，反正道友都開得，
至於問我正定邪，更無從說起，因為我永遠只有一個答案，另外會奉勸一句：「請盡量用
自己既力量去申請或者上來多作詢問，不要胡亂去簽訂任何合約。」
問03：中介公司介紹做【ndrp】或【微破產】可以唔駛還或不影響信貸紀錄？
答03：理鬼叫咩DRP，定XXXDRP，總之DRP，總之就係拉長慢慢還，財務機構一定會將貸款變為RESCHEDULE LOAN，
TU評分一定降低，至於微破產，都係笑話一則，總括而言，都係某些「害群之馬」中介用來行騙呃人的技倆。
問04：中介公司說和銀行或財務公司有合作關係，要他們才申請到，是否屬實？
答04：沒絕對答案，因為中介行業這名稱實在太大範圍，譬如某些大間既專做物業既中介按揭公司，在同銀行爭取時有一定的作用，
為了簡易分辨，我會歸納如下(不是絕對，只係一般狀況)：
好效果：申請樓按、好條件、TU好、收入好，中介會幫到您
差效果：申請私人貸款、本身條件差、TU差、收入差，中介不會幫到您
問05：如果幫襯左「害群之馬」，究竟中介顧問會害我甚麼？
答05：簡單歸納如下：
i)「不成功不收費；部份成功部份收費」，好彩既就批到心中要求，唔好彩，批不到要求仍然要付足服務費，
結果債務更大，呢條條文，陷阱太多，客人唔滿意期數或利率都要俾錢，係一個很大陷阱。
ii)申請私人貸款的話，某些中介為了收取回佣，會轉介至黑財，(中介轉黑財係會俾回佣，反正一齊劏客)，
結果明明可以到正常一、二線申請，到最後竟淪落借黑財原因便在此。
iii)當客人有黑財紀錄的話，想去番一、二線便難了，即係話任何一間正財，見到客人拎黑財數，會好人當賊辦，
如猜疑客人背景有中介教唆，在批核時會嚴格得多。(所以中介叫客去申請時都叫客唔好認經中介申請)
iv)會持續號稱拎到平息，結果只平1-2%，不斷游走於不同財務(轉身會)，在每次申請貸款時都抽取10-30%服務費，
當游走於不同財務，被罸息加埋10-30%服務費，只係百上加斤，簡單而言每3個月就要不斷在財務公司加按的人，
死路一條，賣樓收場。
問06：有問題既黑財係邊度多架?
答06：旺角信和中心、旺角金雞廣場、旺角皆旺商業大廈，旺角美聯商業大廈 (旺角4大黑財集中地)
尖沙咀，只有一間店而又位於尖沙咀，年資又低於2年既，多數黑黑地，或者99.999%由中介自己開，一條龍服務。
問07：請問我隱瞞負債是否可行，究竟d財務公司有冇關連？
答07：私隱條例下，任何一間銀行或財務機構都唔會同你們講會check您，但事實上就..............。
故我不建議隱瞞，間間機構都係個班人工作，行內人唔check數您信唔信？而且有d【細財務】根本係同一幕後老細，
i)好似及時x，為tu會員，他仲有間黑財英x，你估他們有沒有check數?
ii)花x經理轉工大x財務再做經理，check一隻id又有幾奇?
iii)海x同保x、萬力xx同信x呢d直頭同一老細食盡二線客，你話他唔check數你真係信?
iv)個d只有一間行既黑財，幕後根本係同一人，唔check數你信?
v)尖沙咀個堆中介財務，沒關係你信唔信?
問08：我破緊產，真係唔想搵中介，請問有沒有辦法問正當財務借錢？
答08：要TU既任何一間財務都絕對沒可能。
不要TU既二線就可以試下親自上去問既，就我所知，係有可能既，您份工作穩定的話。
問09：我想破產，但冇錢一次俾，搵左D自稱可以分期既中介/顧問，仲話可以分期，請問是否值得幫襯？
答09：當明知你將會破產的話，中介100%會介紹你去黑財/近乎黑財借錢，而當中一定要俾30%佣。
借錢來破產，破產費又貴左(收大萬幾係常事)，又俾佣(30%)，仲要再俾息(年息60%)，正3衰，結果，只會又再開始借黑財，越陷越深。
想理性破產，先要知費用，一般自己去破產處申請就預備11000-12000元，搵律師樓幫手的話，就20000以內全包。
而我建議為上中下3策，一般你要仍然有工作做，不過你沒工作，黑財都不會借你。
上策:沒錢即時破的話，請忍多一個月，一個月後出糧之前，CUT哂自動轉帳，所有數都不還，用當時個期糧來破產。
中策:去問一間正當二線借(借到的話)，盡量還一期才申請破產，照正常還俾間二線(不要AP)。
下策:經中介搵黑財借，被收貴息又被收佣，之後只會不斷循環借黑，死路一條。
問10：中左黑財申請或簽左中介顧問，俾哂料，「覺得」被屈錢，點算，是否可以不理？
答10：成日被PM既問題，而又最愛莫能助。
個人資料被壞人拎左，猶其公司電話及諮詢人電話，被屈，根本沒辦法。
報警囉，但我可以話您知，係冇咩用，黑財都仲有得博報警攪，中介顧問係用違反合約去收費，根本警察都幫唔到你。
結論係不斷講價，用報警大對方，踩場嘈，最後用平則幾百，大則一萬幾千去打發呢班瘟神。
想一元都唔俾打發瘟神，係沒可能既事。
黑財手法他們會玩你公司及親戚電話。
中介顧問為左收取服務費，他們仲叻過黑財，因為他們係用違反合約來做，交俾收數公司、
扮收數公司、告人、釘契、玩電話，都曾經發生過，我重申，必須小心簽訂合約。
如何可以聯絡你 問你相關問題
回覆刪除兄弟，千两财务怎么样？谢谢！
回覆刪除